Die weeg van vleisbeeste is ‘n belangrike bestuurshulpmiddel in enige kudde.  Dit voorsien akkurate, dier spesifieke prestasiedata wat uiters belangrik is om ingeligte bestuursbesluite te neem wat beide produktiwiteit en effektiwiteit van die kudde sal verbeter.

Die suiwelindustrie is waarskynlik die vertakking wat op die voorpunt is van wegings en die inligting wat daaruit beskikbaar gestel kan word.  Hierdie bestuursaksie begin egter al meer in die vleisbeesindustrie posvat en die inligting word met groot sukses in die besluitnemingsproses aangewend. 

Voordele van Wegings

Daar is verskeie voordele aan die weeg van vleisbeeste verbonde, naamlik:

• Indiwiduele diere word gemonitor en vergelyk met die ander diere in die groep.Siekte of voedingsprobleme word dadelik geïdentifiseer indien diere skielik ligter weeg en kan onmiddellik aandag geniet.
• Inentings of behandeling van siek diere se toedieningsdosisse sal korrek wees wat vermorsing van medisyne uitskakel.Behandeling teen die korrekte dosis sal ook sorg dat die behandeling meer effektief sal wees en sal die dier vinniger gesond kan word.
• Drakrag kan akkurater bepaal word aangesien die korrekte massas van alle groepe diere bekend is.
• Na kalwing, kan indiwiduele diere wat vinniger weer dekgereed is, geïdentifiseer word.Sodanige diere kan voorkeurbehandeling in terme van bulkeuses, geniet.
• Weging met speen kan lei tot die bepaling van Speenindekse en Koeidoeltreffendhede, twee seleksie hulpmiddels waar die meer produktiewe koeie van die minder produktiewe diere geskei word.Die minder produktiewe koeie kan nou aan ander bestuurspraktyke onderwerp word om ook weer meer wins te genereer.
• Verse se groeitempo kan gereeld gemonitor word.Dit word vergelyk met ras spesifieke groeikurwes om te bepaal of die verse optimaal groei.  Verse wat optimaal groei, sal vinniger in die teelkudde opgeneem word, wat die aanvanklike koste om die vers uit te groei, beduidend sal verlaag.  Sodoende word die winsgewendheid van die kudde verhoog.
• In die voerkraal word “non-performers” baie vinnig geïdentifiseer wat onmiddellik uitgeskot moet word.Dit sal ook die winsgewendheid van die voerkraal verbeter.

Agropedo Armenta

Die groot voordeel van Agropedo Armenta is dat elke vleisbees produsent nie ‘n duur uitgawe in terme van ‘n beesskaal hoef aan te gaan nie.  Agropedo Armenta het ‘n mobiele skaal wat gebruik word om diere op die plaas te weeg.  Hierdie massas en ander relevante inligting word dan aan die produsent beskikbaar gestel, tesame met aanbevelings wat ten doel het om die winsgewendheid van die produsent te verhoog.

Agropedo Armenta het ook ‘n samewerkingsooreenkoms met ‘n Suid-Afrikaanse RFID- oorplaatjie vervaardiger en hulle plaatjies word gebruik.  Elke plaatjie word gekoppel aan die spesifieke dier se oornommer wat kruisverwysings vergemaklik.  Agropedo Armenta se mobiele skaal is toegerus met so ‘n skandeerder, en om diere te weeg en tel wat op die stelsel is, neem slegs ‘n paar sekondes.  Hierdie stelsel is uiters nuttig waar kalwers uitgegroei (background) en afgerond word, en die volgende inligting wat daaruit beskikbaar is, is die volgende:

• Die dier se daaglikse groei (GDT) van die begin af tot aan die einde van die voerperiode is beskikbaar.
• Die voeromset kan bepaal word, wat die uiteindelike winsgewendheid van elke dier bepaal.
• Die morbiditeitsrekords van elke dier, met ander woorde hoeveel keer elke dier siek was met die aantal behandelings en die lys met medikasie wat hy ontvang het, is beskikbaar.
• Die stelsel het ook ‘n telfunksie wat ge-aktiveer kan word.

Hierdie stelsel bied dus volledige naspeurbaarheid aan die verbruiker wat in die toekoms al meer belangrik sal word.  Die voordele van hierdie RFID stelsel is die volgende:

• Bespaar tyd en moeite aangesien die stelsel baie vinnig lees en lesings koppel aan die dier se ID.
• Verhoog akkuraatheid aangesien die menslike faktor grootliks uitgeskakel word.
• Verhoog onmiddellike toegang tot diere se inligting en syfers, vir besluitnemingsdoeleindes.

Dus ter opsomming:  Hierdie is een van die vele bestuurspraktyke wat Agropedo Armenta aanwend om hul leuse te vervolmaak – Presisieboerderypraktyke op jou Vleisbeeste!!!  Neem die vrymoedigheid om Hennie du Toit te skakel by 084 515 6817 of hennie@agropedo.co.za om meer oor die onderwerp uit te vind.

FIGUUR 1: AGROPEDO ARMENTA SE MOBIELE SKAAL WAAR DIERE GEWEEG WORD

FIG 2:  DIE SKANDEERDER EN RFID-OORPLAATJIES WAT GEBRUIK WORD